.........ජිවිතයක බර...............

නිවසක බර

දෑතට ගත් විට

මතකයි තවමත්

උණු ලෝකඩ

රුදුරුව ගිය හැටි

තැලෙනා තරමට මුවහත්

වූවද තල

ජීවිතයක් එලෙසම වෙනවද?

රත් කර කර

තැළුවාවු ජීවිතයක

බර පැන දරනට

නොහැකිය කිසිවෙකු හට

නැගෙනට දිරි

නැති විට සිත වෙත

මතකයි සවියක්

වී ආහැටි

‍‍‍‍‍‍‍‍‍‍

මිතුරිය නුඹ නොසිටිය නමි ළඟ

තනි අතකට ජිවිතයක්

හිමිකමි නොකියනු ඇත

................. මචෝ උඹ...............

           

                 මචෝ අද උඹේ උපන්දිනේ මට අමතක උනේ නෑ, උදේ කෝල් කරලා හැපි  බර්ත් ඩේ කිවිවම උඹ ඇහුවේ උඹට තාම මගේ උපන් දිනේ මතකද කියලා මතකයි මචෝ මතකයි මගේ හොඳම යාළුවා වෙච්ච උඹේ උපන්දිනේ අමතක කලොත් මම මොකෙද්ද බන්. සතියට එක දවසක් ඉස්කොලේ ආපු උඹ, මගේ හොඳම යාළුවා උනේ කොහොමද කියලා මට මතක නෑ බන් ඒච්චරටම අපේ යාළුකමි පරණයි නේද, අද උඹ කොහෙද මම කොහෙද , සතියට එක දවසක් ඉස්කෝලෙට ආපු උඹට හිටියෙත් යාළුවො දෙන්නයි ඒ දෙන්නගෙන් කෙනෙක් මම උන කොට මම කොහොමද බන් උඹේ උපන්දිනේ අමතක කරන්නේ. මගේ නොමිබරේ වත් දන්නැති උඹ මම කොල් කරලා හලෝ කියපු ගමන් අඩෝ ජිංජි උඹට කොහොමද කියලා ඇහුවේ. උඹට හැපි බර්ත් ඩේ කියන්නත් කලින් .

            උඹ සතියට ඒක දවසක් ඉස්කෝලේ ආවේ මැටි ගෙදරට උඹේ නංගිලා දෙන්නම කොටු කරලා තියන්න බැරි නිසා කියලා කාටත් වඩා හොඳට මම දන්නවා බන්. සර් හැමදාම අළුත් පොතක් ගේන්න කියපු කවමදාවක වත් උඹ ගෙනාවේ නැත්තේ උඹ වෙනුවෙන් වියදමි කරන සල්ලි නංගිලා දෙන්නා වෙනුවෙන් වියදමි කරන්න ඕනි නිසා කියලා මම දන්නවා ඒ හැම දවසකම අහමිඹෙන් වගේ මා ගාව අළුත් පොත් දෙකක් තිබුනා නේද මචෝ.

හැමදාම මටත් එක්ක උඹ ගාව තියනවා කොහොමද බන් ඒ

උඹ එහෙම අහපු වෙලාවල්  අනන්තවත් ඇති නේද බන්

උඹට හැමදාම කෝල් කරාම කියන්නේ මචන් මේ ගේ පුරාම උඹලා ඉන්නවා බන් කියලා. ඒ උඹ වෙනුවෙන් හදපු ගෙදරට ගඩොල් හදලා පුච්චලා බිත්ති බැන්දෙත් අපේ පන්තියේ උන්ම නිසා. උඹ අදටත් මට ස්තුති කරනවා එදා කටිටියව එක්කගෙන  ආවට.

            මචෝ උඹ ස්තුති කරන්න ඕනි අද උඹ ලඟ හෙවනැල්ලක් වගේ ඉන්න උඹේ ආදරණි බිරිඳට  උඹට පන්තියේ හිටපු යාළුවෝ දෙන්නගෙන් අනිත් කෙනා ඒයාට තමයි උඹ ස්තූති කරන්න ඕනී .

            එදා උඹලගේ ගෙදර වැඩට උදව් වෙන්න ආපු දවසට කලින් දවසේ. පන්තියේ හැමෝගෙන්ම මම ඇහුවා ගඩොල් හදන වැඩේට උදවි වෙන්න මාත් එක්ක යන්න එන්නේ කවිද කියලා ඒ වෙලාවේ එක එකා එක එක දේවල් කියද්දි අද උඹේ ආදරණිය බිරිඳ ඒකි නැගිටලා කිවිවා කවිරු ආවේ නැතත් එයා එනවා කියලා ඒ වෙලාවේ මගේ හිතට ඒක ලොකු දෙයක් උනා බන්. උඹ වෙනු වෙන් තව එක්කෙනෙක් හරි ඉන්නවා කියලා දැනුනාම කවිරුවත් ආවේ නැතත් මම තනියම මට පුළුවන් දේට තව ටිකක් වැඩියෙන් කරනවා කියලා හිතුවා බන් ඇත්තමයි.

            ඒකි කෙල්ලෙක් වෙලත් එන එකේ කොල්ලෝ උනු උඹලටවත් එන්න බැරි උඹලා ගෑණුන්ට වඩා අන්තයි කියලා වටේම පන්තිවලටත් ඇහෙන්න කෑගහලා  ඒකිට පහුවදා එන්න කියලා ඉස්කොලෙන් පැනලා බෝඩිමට ආවේ මුන් හැටි මෙහෙම නමි මම මැරුණු දවසක මුන් මළ ගෙදරවත් එන එකක් නෑ කියලා හිතාගෙන.

            එදා මම ගියාට පස්සේ ඒකි හැම එකාටම කථා කරලා ගොඩක් කොල්ලන් ගෙන් වල් කථා අහගෙන අඬඅඩා කටිටිය එකතු කලා කියලා මම දැන ගත්තේ ඊට ගොඩාක් දවසකට පස්සේ. පහුවදා ඒකියි මායි හරි උඹ උදව්වට ඉන්නවනේ කියලා හිත හදාගෙන ඒකිව එක්ක යන්න ආපුවාම ඉස්කෝලේ ඇඳුමෙන්ම පන්තියේ ඔක්කොම කොල්ලෝ ටිකයි කෙල්ලෝ ටික ගෙන් ගොඩක් දෙනෙකුයි ඇවිල්ලා ඉන්නවා දැක්කම මට හිතුනේ. උනේ ගුරු තරුව ඔබයි පොතේ ඒ සර්ට පන්තියේ ළමයි දැක්කම හිතට කොච්චර සතුටක් දැනෙන්න ඇද්ද කියලා බන් ඇත්තමයි ඒක මම ගොඩක් කල් හිතපු ප්‍රශ්නෙට උත්තරයක් ලැබුනු වෙලාවක් බන්.

            යාළුකමි ගැන ලියන්න නමි තව දේවල් කොච්චර තිබුනත් ලියන්නේ කොහොමද බන්. මගේ ඇඟිලි රිදෙනවා ටයිප් කරලා මේ ලියපු ටික මදි උනත් යාන්මට හරි ඇති කියලා ඔන්න ඔහේ හිත හදා ගන්නවා. ඇත්තටම බන් උඹ කොහොමද දැන ගෙන හිටියේ උඹේ උපන් දිනේට මම අනිවාර්යෙන්ම කෝල් කරයි කියලා. උඹලගේ පුංචි පැටියා ගැන සුභ ආරන්චිය කියන්න මම කොල් කරන කමි හිටියා නේද. මන් දන්නවා උඹලගේ පුංචි පැටියත් උඹලා දෙන්නා වගේම එලකිරි ඩයල් එකක් වෙයි කියලා. ඒ පුංචි පැටියට කියපන් උඹලගේ ලෝකේ එලිය කරන්න පැටියා මේ ලෝකෙට එන දවසට පැටියව බලන්න ජිංජි මාමා බරටම තෑගි අරන් එනවා කියලා. ඇත්තමයි මම කොහේ හිටියත් එදාට එනවමයි.

මිතුරුකමි රුවල් නැව

සුළඟත් සමඟ දියත් වු පසු

කාලයේ රැල්ල සැඩ පරුෂ උනි නමි

ජිවිත දියඹෙන් නැඟුනු ගල්පර

නැවි පතුල සිඳින්නට වෙර දැරුවද

දක්ෂ නැවියෙකු නුඹ නමි

මිතුරුකමි නැව තවමත් පදවන

....නික්ම ගිය හිතවතානනි.........

  මාසයක් විතර කාලක ඉදලා බිලොග් එක පැත්ත පලාතක එන්න බැරි උනා,
දිගු නිහැඩියාවකට පස්සේ දාන්න වෙන පොස්ටි එක මෙච්චර දුක හිතෙන එකක් වෙයි කියලා මම කවදාවත්ම හිතුවේ නැ ඇත්තමයි හිතපුරා තියෙන්නේ පුදුමාකාර විදිහකට හිරවුනු දුකක්
බිලොග් ලෝකේ ඇවිදින හැමෝටම අද දුක්බර දවසක්
මම ආයේ පුන පුනා ඒ ගැන කියන්න ඕනි නැ හැමෝම ඒ ගැන දන්නවා. ලැවි ගින්නක් වගේ බිලොග් ලෝකෙම
මහා ලොකු දුකක ගිල්ලෝගෙන අපි අතරින් නික්ම ගිය ඔබා මාමේ ඔබට නිවන් සුව

‍බිලොග් ලෝකේ කොහේ කවිරු ඇවිද්දත් මේ ජායා රූපේ ඒ හැම තැන කදිම දකින්න ඇති
හිත මිතුරන් පරිනතයින් ආධුනිකයින් කියලා වර්ග නොකර හැම බිලොග් එකකම කමෙන්ටි කල
අපුරු මිනිසෙක් අපේ ඔබා මාමා
කොහේ බිලොග් එකක් බැලුවත් මම මුලින්ම කියවන්නේ ඔබා මාමගේ කමෙන්ටි එක
ඒ ඔබා මාමගේ කමෙන්ටි එක කියවලා බිම පෙරලි පෙරලි හිනාවෙන්න පුළුවන් කියලා දන්න නිසා.

පළවෙනි වතාවට මට ඔබා මාමා හමු උනේ සයිබර් සිහින උලලේදි ඒ පලමු හමු විමම අවසන් හමු විම වෙවි කියලා හිනෙකින්වත් හිතුවේ නෑ...........

සයිබර් සිහින උ‍ළේලෙදි අභිත අයියා ඔබා මාමව නටන්න ඇදගෙන ආපුවෙලාවේ චුටි ඩාන්ස් එකක් දාලා යන යනකොට
ඔබා මාමා තාම කොල්ල වගේ කියලා මට හිතුනා.

ඔබා මාමේ මාමගේ මල්ටි බැරල් පෝස්ටි නැතුව මේ බිලොග් ලොකේ හරිම පාළු තැනක් වේවි......

ඔබා මාමේ ඔබට නිවන් සුව.......!!!!!!!!!!!!!

...............පැනිල්ලට කව්.......

එහෙට පැන්නා

මෙහෙට පැන්නා

අහ් මට මතකයි

එයා මෙහෙට පැන්නෙම නැති තරමි

පැන්නා පැන්නා

හති වැටෙනකමිම

එයා පැන්නා

හැබැයි කවදාවත්ම

මෙහාට නමි පැනලා නැවතුනේ නෑ

වතාවක් දෙවතාවක් විතර

හති අරින්නද මන්දා

මෙහාට පැන්න වතාවක

ටිකක් වෙලා නැවතිලා හිටියා

අපි අපේම නමි උනාද මන්දා

පුංචි පැටියෙක්

ඕහ් නෑ මට වැරදුනා

ඒ අපේ නෙමෙයි

නුඹ මගෙත් නෙමෙයි

මට මොනා වෙලාද?

අනේ මන්දා...

තරුව නුඹ නැතත් ඈ අද මා ලඟ

පොඩිඩක් එලියට බැහැලා බලන්න අහසේ ටිකක් ලොකු තරුවක් තියනවද කියලා

හොදට බලන්න

එක තියේන්නම ඔනී, එයා ඔතන තමයි හිටියේ

එයා ඉන්නේ හදට ටිකක් ඈතින්

එදා රෑ එයා තමයි මුළු අහසටම හිටපු ලස්සනම තරුව

ඔයාලා දන්නවද මම ඒ තරුවට කොචිචර ආදරේ කලාද කියලා

එත් පස්සේ තමයි මට තේරුනේ මම ගොඩක් මොඩ උනා කියලා

මම පහුවදා තමයි දැන ගත්තේ එදා අමාවක දවසක් කියලා

පහුවදා ඒ අහසට හද ආපුවාම තමයි මට තේරුනේ ඒ අහස අයිති මගේ තරුවට නෙමෙයි ඒ හදට කියලා

එත් මම ඒ තරුවට මුළු හදවතින්ම ආදරේ කලා

දවසක් වලාකුලක් ඇවිත් එයාව නොපෙනි ගියා, මට ගොඩාක් දුක හිතුනා

ඒත් දවස් දෙක තුනකින් එයාව ආයෙමත් පෙනුණා

මට හිතුනා එයා මා දිහාම බලාගෙන ඉන්නවා කියලා

එත් මට වැරදුනා, මම එයාට මොන තරමි දේවල් කිවිවද, මොන තරමි හීන මැවිවද

එත් එයාට මම ඉන්න පොළොවට මාත් එක්ක ඉන්න එන්න බෑ කියලා මම දැනන් හිටියා

එයා එක වෙලාවකට දිලිසෙනවා, තව වෙලාවකට අදුරු වෙනවා, එයා දිලිසෙන්නේ එයා සතුටින් ඉන්න කොට එයා අදුරු වෙන්නෙ

එයාට දුක හිතුනම

මම එයාගේ හැම වෙනස් විමක්ම හැම හැගිමක්ම දකිනවා

එත්.......ඒත්.... එයා හිතන්නේ මම එවා දකින්නෙ නෑ කියලා

ඒ තරුව මම ආදරේ කරපු තරුව එයා වෙනස් වෙනවා

ඔවි ඒක මට දැනෙනවා, එයා ඉස්සර මම ආදරේ කරපු තරුව වගේ නෙමෙයි එයා වෙනස් වෙනවා

අයියෝ මම වගේ මෝඩයෙක් ඇයි මට එක කලින් හිතුනේ නැත්තේ

ඔයාලා දන්නවද ඒ මොකද්ද කියලා

එයා.............එයා ඉන්නේ අහසේ බව

එයා අයිති අහසට කියන එක

ඒ අහසට එයා ඉන්න අහසට එයාගේ ලෝකෙට මට ලන්වෙන්න බෑ කියන එක

ඒ අහසේ මට ඉඩ නෑ කියන එක

එයා දිහා මම වගේම බලා ඉන්න තව ගොඩක් අය ඉන්නවා කියලා

මම මවා ගත්ත එ ලෝකේ ඇත්තටම එයා නෑ කියලා,

ඒත් මට එයාව අමතක කරන්න බෑ

එත් මම එක තීරණයක් ගත්තා

ඒ මම එයා දිහා ආයේ බලන්නෑ කියලා

එත් එක දවසක් එකමත් එක දවසක්

එයාව මගේ තරුව, මගේ හිත, මගේ ආදරය, එයාව මගේ ලෝකෙදි මගේ ඉස්සරහා ඉන්නවා මම දැක්කා

ඔවි ඒ එයාම තමයි, එ මගේ තරුවම තමයි

එයා එදා එ තරුවේ තිබුන දීප්තීයෙන්ම දිලිසෙනවා

එයා මා දිහාවට ඇවිදගෙන ආවා

එයා මගේ ලඟට ඇවිදගෙන ඇවිල්ලා නතර උනා

එයා මගේගාව නතර වෙලා ලස්සනට හිනා වෙලා බැලුවා

එයා මගෙන් අහපු පලවෙනි දේ තමයි "ඔයාගේ නම මොකද්ද"

අයියෝ මගේ නම, මට එක කියාගන්න බෑ, එ තරමට මගේ හිත සතුටින් පිරිලා

ටිකක් වෙලා එයා දිහා බලා ඉදලා මම මගේ නම එයාට, මගේ තරුවට කිවිවා

ඊට පස්සේ එයා ලස්සනට හිනා උනා (ඒ තමයි මම මගේ ජීවිතේ දැකපු ලස්සනම හිනාව) ඒ හිනාවත් එක්කම එයා යන්න ගියා

මම එයාව හැම තැනම හෙව්වා, ඒත් වැඩක් උනේ නෑ

ඒත් දවසක් එයාව මට එතනදිම ආපහු හමිබ උනා

එදා මම එයාට ලෝකේ ලස්සනම වචනේ තියන ඒ වචන තුන කිව්වා

එයා ආපහු එදා වගේම ලස්සනට හිනා වෙලා යන්න ගියා

මට එයාව ආපහු නොහිතපු වෙලාවක හමිබ උනා

එයා මට, මම එදා අහපු දේට උත්තරේ කිව්වා

ඒ එයත් මට කැමතියි කියන එක

එදා තමයි මගේ ජීවිතේ ලස්සනම දවස

අද එයා මගේ තුරුට වෙලා ඉන්නවා...... ඔයාලා දන්නවද අපි දෙන්නා කොහෙද බලා ගෙන ඉන්නේ කියලා

අපි දෙන්නත් එක්ක එකතු වෙලා මම එදා ආදරේ කරපු ඒ තරුව දිහා බලාගෙන ඉන්නවා

එත් මට අදටත් හිතා ගන්න බැරි එක දෙයක් තියනවා

ඒ තමයි ඇයි ඒ තරුව එදා වගේ දිලිසෙන්නේ නැත්තේ

ඇයි ඒ තරුව දිහා එදා වගේ ඔන තරමි වෙලා බලා ඉන්න බැරි ඇයි ඒ තරුවේ වෙනස් වීමි මට දැන් පෙන්නේ නැත්තේ

එත් මා ගාව ඉන්න මගේ තරුව මට එකට උත්තරයක් කිව්වා

ඒ මට දැන් වෙන තරුවක් ඉන්න නිසාලු, ඒ තරුව අහසේ ඉන්න තරුවට වඩා දිලිසෙන නිසාලු..................ඒත්

එත් මම නමි හිතන්නේ එහෙම වෙන්නේ මම දැන් මගේ ලඟ ඉන්න තරුවට ආදරේ නිසි, අහසේ ඉන්න තරුව මට කවදාවත් හිමි නොවුන නිසා.........ඒ අහසේ ඉන්න තරුව මගේ අතීතය නිසා

මම හරි නේද...........

..............පෙරහැරේ දුක.............

දැන නොදැන

ගින්දරට ආදරේ කර 

අළු වුන,

පෙරහැර එළිය කරනා

එක පන්දමක් 

දෙපතුල් පුපුරු ලන තුරු

රැගුමිපාමින

දුටු දන හැම සිත් සුවත්කොට

සොච්චමක් ගෙන  හෙලනා 

කොනකුගේ සුසුමන් පෙලක්

යදමින් බැදුනු පා

හෙමිහිට තබමින

කරඩුවක් උර තබා ගෙන

හෙණ්ඩු ඇනුමකට

ආදරේ කල

එක සත්වයෙක්



ලොකු පොඩි තව ඇතත් දුක් කන්නලවි 

ඉටුකරන්නට ඔබ වෙත බරවෙලා

 ඇයි ද දෙවිදුනි

ඔබේ පෙරහැරේ එවුනටත්

 මෙතරමි දුක් ගොඩක්

බැතිකමත්  විටකදි වෙනවලු

මහ ගොන්කමක් 

"එන්ඩෝ එන්ඩෝ කස්ටියම බනිස් කන්න එන්ඩෝ"

      කට්ටියම දන්නවනේ අප්‍රේල් 22 වැල්ලවත්ත කුරේ   එකේ එලකිරි වැඩක් සෙටි වෙලා තියනවා කියලා

ඒ ඉතිං සිහිනයක් නොවුනු අභීත අයියගේ සිහිනය සයිබරයේ සිහින බක්මහ උළෙල.

මන් දැන් කියන්න යන්නේ එතනදි කස්ටියට සෙට් වෙන බඩ පිරෙන ආතල් එකක් ගැන

එහෙම කිවිවම කට්ටියම දන්නවනේ ඒ මොකද්ද කියලා (ඔවි ඔවි ඒක තමා)

                                      බඩපිරෙන්න බනිස් කන්න, කාලා දුවලා තෑගි දින්න

කටිටිය මතකයිනේ ගියපාර කාපු කෑම.

             ඈ මතක නැද්ද?

එහෙනමි ඔන්න මතක් කර ගන්නකෝ


මාරයා අයියා ෂේප් එකේ ඉතුරු වෙච්ච බනිස් ටිකත් කාලා දිනුම ඔනි කියලා අඬපු ඇඩිල්ල 
ඔන්න මාර අයියේ මේ පාරත් චාන්ස් එක තියනවා එලෙසටම

ටින් ටිනුත් ගිය පාර උදේට  නොකා ඇවිත් බනිස් කෑවලු නේ එහෙනමි ටින් ටින් 22 දාටත් උදේට බනිස් කමු නේ

වැඩපොතත් බනිස් කෑම ඡායා රූප ගත කර ගත්තලු

අනිසි විදිහට බනිස් කාපු අයට දඩුවම් දුන්නු හැටි කෙහෙල් කොටුවේ චුටි මහත්තයා දැකලා තියනවා

ගියපාර බනිස් කෑ නොකෑ , මේපාර කන්න හිතන් ඉන්න අය අප්‍රේල් 22 වැල්ලවත්ත කුරේ පිටියේදි බනිස් කමු නේද

"කනවා විතරද? තෑගි නැද්ද ? ''

සමහර අයට එහෙම හිතෙන්නත් පුළුවන්
එහෙම වෙන්නේ නෑ

පළවෙනියට බනිස කන කෙනාට තෑග්ගකුත් තියනවා

කන්න කැමති බඩජාරි සැමට ආරාධනා එක්වි කමු එකෙක් දිනමු